“Автомобильдә сәяхәт итәргә теләүчеләр елдан-ел арта”

Зилаир районында «Туризм һәм кунакчыллык индустриясе» милли проекты кысаларында яңа модульле йортлар төзелде. Бу Уфа – Зилаир районы – Оренбург өлкәсе автоюлы һәм Магнитогорск – Ира трассасы буенча автотуризмны үстерү өчен шартларны яхшырта. Проектны гамәлгә ашыру өчен шәхси эшкуар 2,3 млн сум күләмендә дәүләт ярдәме алган. Инвесторның үз акчалары 2,6 млн сум тәшкил иткән.

    «Алан»  кемпингы 6 йорттан тора, гомуми сыйдырышлылыгы – 12 кеше. Һәр йортта – 2-4 йокы урыны. Шулай ук мунча, мунча чаны, мангал зонасы бар. Кышын кар машиналарын прокатка алырга мөмкин.

    Хәзерге вакытта территориядә юл буе кафесы, кунак йорты төзелеше төгәлләнә. Аларны 2024 ел ахырына кадәр файдалануга тапшыру планлаштырыла.