«Экспорт форсажы» укулары башланды

Республикадагы химия тармагының 15 компаниясе Русия Экспорт мәктәбе тарафыннан эшләнгән «Экспорт форсажы» акселерация программасының җиденче тармак агымы буенча укытуны башлады.

Бу «Халыкара кооперация һәм экспорт»илкүләм проектын гамәлгә ашыру барышында мөмкин булды. Моны төбәкнең тышкы икътисади элемтәләр һәм конгресс эшчәнлеге министрлыгында хәбәр иттеләр. 

"2021 елда без «Экспорт форсажы»ның тармак программаларын башлап җибәргән Русиянең пилот төбәге булдык. Әле дә бердәнбер булып калабыз. Дүрт ел эчендә бизнес-акселераторның тармак программалары үзенең нәтиҗәлелеген исбатлады, шуңа күрә без төрле юнәлешләрне киңәйтергә ниятлибез. Бүген химия сәнәгате продукциясен җитештерүче 15 төбәк белгечләренең укуы башлады, алар белән чит илдә дә кызыксына. 2024 елның биш ае нәтиҗәләре буенча төбәкнең гомум экспорт күләмендә әлеге продукция өлеше 21,3%ка тигез, - диде БР тышкы икътисадый элемтәләр һәм конгресс эшчәнлеге министры Маргарита Болычева.

«Халыкара кооперация һәм экспорт» милли проекты яңа икътисадый багланышлар булдыруга һәм Русиядә җитештерелгән товарлар экспортын үстерүгә юнәлдерелгән. Милли проектлар РФ Президенты Владимир Путин карары буенча 2019 елдан гамәлгә ашырыла.

Чыганак һәм фото: bash.news