Сибайда "Труд" стадионы реконструкциясенең икенче этабы башланды

Сибайда “Труд” стадионын реконструкцияләүнең икенче этабына керештеләр. Шәһәр хакимияте хәбәр иткәнчә, спорт объектында стритбол (урам баскетболы) белән шөгыльләнү өчен яңа мәйданчык барлыкка килгән, аның тирәсендә агачлар һәм декоратив куаклар утыртылачак. Моннан тыш, стадион тирәли төзүчеләр 900 метр озынлыктагы асфальт юл салганнар, шулай ук 35 урам яктырткычы өчен нигез детальләре урнаштырганнар.

2023 елда реконструкциянең беренче этабында стадион территориясендә шулай ук яшеллекләр утыртылды, асфальт түшәлде, яктырту баганалары, эскәмияләр һәм асылмалы фонарьларга яктырткычлар куелды. Исегезгә төшерәбез, Сибайдагы “Труд” стадионы “Торак һәм шәһәр мохите”  милли проектының “Уңайлы шәһәр мохитен формалаштыру”  федераль проекты кысаларында яңартыла.

Моңа  республика Башлыгы Радий Хәбиров Физик культура һәм спортны үстерү мәсьәләләре буенча Совет утырышында республиканың спорт инфраструктурасына зур игътибар бирүен билгеләп үтте. "Без инфраструктурага зур өлеш кертәбез – яңа спорт корылмалары һәм объектлар төзибез. Аларның нәтиҗәле эшләве турында уйлау мөһим. Һәм теләсә кайсы бала үзенә кызыклы дисциплина белән шөгыльләнә алыр иде, – дип билгеләде Радий Хәбиров. – Бу без хәл итәргә тиешле бурыч". 

Чыганак: bashinform.ru