Он экспорты өч тапкырга арткан

2024 ел башыннан Россельхознадзорның Башкортстан буенча идарәсе республикадан Әзербайҗанга, Әрмәнстанга, Грузиягә, Казахстанга, Төрекмәнстанга һәм Үзбәкстанга экспортланган 9316 тоннадан артык бодай һәм арыш онын контрольдә тоткан. Бу 2023 елның шул ук чоры белән чагыштырганда өч тапкырга күбрәк, дип ассызыкладылар күзәтчелек ведомствосында.

Ашлык эшкәртү продукциясенең барлык партияләреннән алынган үрнәкләр тулы күләмдә Башкортстанның сынау лабораториясендә тикшерүләр узды. Энтомологик экспертиза нәтиҗәләре буенча зарарлы карантин организмнар ачыкланмаган. Башкортстан  оны импортер илләрнең барлык таләпләренә туры килә.

Исегезгә төшерәбез, “Лаеклы һәм нәтиҗәле хезмәт һәм уңышлы эшмәкәрлек” милли максаты кысаларында “Халыкара кооперация һәм экспорт” милли проекты гамәлгә ашырыла. Аның бурычы – 2030 елга чимал булмаган энергетика булмаган товарлар экспортының 2020 ел белән чагыштырганда 70 проценттан да ким булмаган реаль үсешен тәэмин итү. 

Чыганак: bashinform.ru