Сәхнәдә – "Җиде кыз" балеты

 Спектакль махсус заказ буенча куела.

“Җиде кыз” образын моңа кадәр фонтаннан гына карап күрә идек, тиздән гениаль сәхнә эшен тамаша кылырга язсын.

Башкорт дәүләт академия опера һәм балет театрында «Җиде кыз» спектакленең оркестр репетицияләре башланды, аның дөньякүләм премьерасы 10 һәм 12 октябрь көннәрендә узачак.

Зур иҗат эшенә узган елның көзендә үк алынганнар. Ярты ел дәвамында театр цехлары декорацияләр һәм костюмнар ясау өстендә эшләнелгән,  балет сыйныфларында актив рәвештә репетицияләр узган. Хәзер ялдан соң балет труппасы артистлары репетицияләргә кайткан. "Мәдәният" гомумдәүләт проекты кысаларында бихисап эшләр башкарылуының берсе буларак бу сәнгати хезмәт игү"Җиде кыз" балеты  "Мәдәният" гомумдәүләт проекты кысаларында башкарылган лаеклы эш булыр дип көтәбез.
Спектакль башкорт опера һәм балет театры заказы буенча махсус әзерләнә. Чагу, эмоциональ музыканы Русия һәм Башкортстан Композиторлар берлеге әгъзасы, Санкт-Петербург дәүләт консерваториясен тәмамлаган, халыкара һәм Бөтенрусия конкурсы лауреаты Галина Җиһанова иҗат иткән. Музыка башкорт халык мелодиясе белән сугарылган.

Дирижер-куючы – Башкортстанның атказанган артисты Александр Алексеев. Классик хореографиягә нигезләнгән әсәрнең балетмейстеры – Башкортстанның атказанган артисты Ринат Абушахманов.
Сюжет нигезендә шул ук исемдәге борынгы риваять, башкорт фольклорының энҗесе ята.