“Ашлык таләпләргә туры килә”

Россельхознадзорның Башкортстан буенча идарәсе Стәрлетамак районыннан Казахстанга һәм Кыргызстанга озатылган 7199 тонна  бодайны контрольдә тотты.

    "Экспортерлар заявкасы буенча 103 тимер юл вагонының һәркайсыннан  продукция пробалары алынган. Лаборатор экспертиза үттек, - диделәр  идарәнең матбугат хезмәтендә. - Ашлык таможня берлеге таләпләренә тулысынча туры килә".

    Исегезгә төшерәбез, “Лаеклы һәм нәтиҗәле хезмәт һәм уңышлы эшкуарлык” милли проекты кысаларында “Халыкара кооперация һәм экспорт” милли проекты гамәлгә ашырыла.