"Акыллы шәһәр" системасы элементлары кертелә

“Акыллы шәһәр“ системасы элементлары Башкортстанның торак пунктларында планлы рәвештә кертелә, дип белдерде үзенең Телеграм-каналында республика башлыгы Радий Хәбиров. Төбәк җитәкчесе ассызыклаганча, эш күп юнәлешләр буенча алып барыла. Аерым алганда, республикада видеокүзәтүнең интеллектуаль системалары үсеш ала, чөнки “бу безнең халыкның һәм аларның мөлкәтенең иминлегенең мөһим өлеше“.

2019 елдан башлап, “Башкортстан ихаталары“ программасы кысаларында йорт яны территорияләрендә 2228 видеокүзәтү камерасы урнаштырылган.  2024 елга тагын 700 камера монтажлау планлаштырыла. Һәр яңартылган ихатага уртача өч камера туры килә. Алар балалар һәм спорт мәйданчыкларын, парк зоналарын, парковкаларны, керү подъездлары төркемнәрен үз эченә ала.

Моннан тыш, 1816 видеокамера 2019 елдан башлап “Торак һәм шәһәр мохите“ милли проектының “Уңайлы шәһәр мохитен формалаштыру“ программасы ярдәмендә монтажланган. "Уфаның 450 еллыгы алдыннан республика башкаласына зур игътибар бирәбез. Уфада барлыгы 2852 видеокүзәтү камерасы эшли. Аларның эше нәтиҗәсендә быелның дүрт аенда гына да 14 җинаять ачылды, - дип ассызыклады Радий Хәбиров. – Заманча технологияләрне үстерүне дәвам итәчәкбез, алга таба кешеләрнең уңайлылыгын һәм тормыш сыйфатын арттырачакбыз“. 

Чыганак: bashinform.ru