Ветераннар аллеясенә юл яхшыра

Башкортстан республикасының Стәрлетамак шәһәрендә “Хәвефсез һәм сыйфатлы автомобиль юллары” милли проекты кысаларында Бөек Ватан сугышы ветераннары аллеясенә илтүче юлны ремонтлый башладылар.

Июль ахырына кадәр подрядчы оешма Ходайбирдин урамыннан Богдан Хмельницкий урамына кадәр юл аралыгын ремонтларга тиеш. Анда япмасын яңартыла, борт ташларын алмаштырыла һәм билгеләр куелачак. 300 метр озынлыктагы участокта иске асфальт-бетон япма кырдырып алынган да инде. Ремонт эшләре 9,4 млн сум тәшкил итә.

- 2005 елда Бөек Җиңүнең 60 еллыгына тантаналы рәвештә ачылган Бөек Ватан сугышы ветераннары аллеясенә юлны яхшыртачак. Шулай ук 1нче балалар поликлиникасына хәвефсез баруны да тәэмин итәчәк. Шуңа күрә бу урамны ремонтлау мөһим, - ди Стәрлетамак хакимияте башлыгының беренче урынбасары Эмиль Шәймәрданов.

Быел Стәрлетамакта Владимир Путин указы белән гамәлгә куелган “Хәвефсез һәм сыйфатлы автомобиль юллары” милли проекты кысаларында 7 км озынлыктагы 12 юл участогын ремонтлау планлаштырыла.

Фото: "Башинформ"