Иске Күрдемдә матур очрашу узды

Авыл китапханәсендә узган бу чара «Мәдәният» милли проектының «Цифрлы мәдәният» төбәк проектын гамәлгә ашыру кысаларында үткәрелде.

"Сугыш юллары-Җиңү юллары"  патриотик сәгате туры эфирда үтте. Китапханәчеләр Элида Карамова һәм Гөлнур Ахунова чарада катнашучыларны Бөек Ватан сугышының төп даталары һәм илебез тарихында авыр хәрби сынаулар турында таныштырдылар.

Трансляция вакытында сугыш еллары турында җырлар һәм шигырьләр яңгырады.

Шулай ук бу чарада «Йөрәкләрдә һәм китапларда сугыш турында истәлек» дип аталган китап күргәзмәсе дә үтте.