Урманнар тергезелә

Бу ялларда бөтен республика буйлап «Экология” милли проектының “Урманнарны саклау” проекты старт алачак. Әлеге яңалыкны үзенең социаль челтәр битләрендә Башкортстан Башлыгы  хәбәр итте. Радий Хәбиров параллель рәвештә ел саен үтә торган “Хәтер бакчасы” халыкара акциясе башланачагын да әйтте.  

Барлыгы быел республикада 15 мең гектар мәйданда урманны тергезү планлаштырылган. Ясалма урман тергезү эшләрен 6 мең гектарда башкарачаклар. Сүз уңаеннан, ясалма урман тергезү эшләренең күпчелек өлеше нәкъ Башкортстанга туры килә.