Булдыклы ханымнар

Кем ул Ангелина?

Туймазы шәһәренең балалар һәм өлкәннәр өчен “Яхшы сүз” психологик-сөйләм үзәге директоры Ангелина Ульданова «Бизнес-Уңыш» Милли премиясенең федераль өлешендә финалист булды. Русиянең иң абруйлы бу бизнес конкурсы Мәскәүдә узды.

 Бу федераль проект Владимир Путинның  «Кече һәм урта эшкуарлык һәм шәхси эшкуарлык инициативасына ярдәм» проекты кысаларында эшли.

Ангелина Ульданова Башкортстан эшкуар хатын-кызлары Ассоциациясенең Туймазы вәкиллеге белән дә җитәкчелек итә. Шуңа өстәп, бу ханым “Хатын-кыз – ел директоры” Бөтенрусия конкурсының төбәк өлешендә җиңеп чыкты.

“Милләт сәламәтлеге” Халыкара эшкуар хатын-кызлар  конкурсында номинациядә җиңүләре дә билгеле.