Тагын 50 ел хезмәт итәргә тиеш

Шакша күперендә барган эшләрне сул яктан уң якка  күчерергә әзерләнәләр, дип хәбәр иттеләр БР транспорт министрлыгында. Әле  эшләр юлның шәһәргә керә торган  яртысында бара, июнь аенда икенче яртысында эш башлау планлаштырыла.

Шакша бистәсе янында Уфа елгасы аша автомобиль күперен капиталь ремонтлау –  зур  финанслар таләп итүче проектларның берсе.

Күперне тулысынча  капиталь ремонтлау 2025 елда тәмамланачак. Эшләр  “Хәвефсез  сыйфатлы юллар” милли проекты кысаларында финанслана. Контрактның бәясе 2,16 млрд.сум тәшкил итә.  Капиталь ремонттан соң күпер тагын 50 ел хезмәт итәргә тиеш.