Яңа һөнәрләргә бушлай укыталар

   Башкортстан эш белән тәэмин итү мөмкинлекләре буенча илнең Топ-5 төбәкләре арасына кергән.

   РФ кабмины башлыгы Михаил Мишустин билгеләп үтүенчә, быел “Мәшгульлеккә ярдәм итү” проектына ярашлы, кирәкле һөнәрләргә ия булу өчен бушлай һөнәри белем һәм икенче һөнәр алу программасын үтәргә мөмкин булачак.

   Үткән 2023 елда шулай итеп 150 мең кеше белем алган. 2024 елга бу максатка федераль казна исәбеннән 6 миллиард сум акча бүленәчәк. Президент кушуы буенча бу программага яңа категорияле кешеләр өстәлгән, алар арасында мәшгульлек үзәгенә мөрәҗәгать иткән инвалидлар, 3 яшькә кадәр бала тәрбияләүче әти-әниләр һәм опекуннар бар.

Фото: Башинформ.