Стәрлетамакта Дуслык урамын ремонтлаячаклар

Стәрлетамакта агымдагы төзелеш сезонында «Хәвефсез сыйфатлы юллар» милли проекты кысаларында Дуслык урамының бер участогын ремонтлау планлаштырыла. 1,4 чакрым озынлыгындагы юлда  (Худайбердин урамыннан Волочаевская урамына кадәр) подрядчы асфальтны, борт ташларын алыштырачак һәм билгеләр ясаячак. Контрактның бәясе 48 млн. сум тәшкил итә. Эшләргә 1 майдан керешергә һәм аларны 31 июльгә кадәр тәмамларга планлаштырыла.