Табиблык офисы ачылган

Миякә районында гомум практика табибы офисы эшли башлаган.

   Миякә районының Богданово авылында “Сәламәтлек саклау” милли проекты кысаларында гомум практика табибының модульле офисы эшли башлаган.

   Әлеге офис район үзәгеннән 23 чакрым ераклыкта ачылган һәм анда 1300 чамасы кеше сыйфатлы медицина ярдәме ала алачак. Биредә диспансеризация һәм чирләрне искәртү өчен тикшеренү үтү, дару алу өчен ташламалы рецептлар алу мөмкинлеге бар.

   Заманча корылмалар белән җиһазландырылган офиста табиб үзвакытында төрле чирләрне һәм тайпылышларны ачыклый алачак.

Фото: gtrk.tv