Хирурглар өчен дә, авырулар өчен дә уңайлы

РФ Президенты Владимир Путинның май указларына ярашлы кабул ителгән “Сәламәтлек саклау” милли проекты кысаларында Белокатай район хастаханәсенә хирурглар өчен яңа җиһазлар кайтарылды.

Хирургия бүлегенең операция блогына яңа универсаль операция өстәле кайтарылган. Өстәл төрле дәрәҗәдәге операцияләрне башкарырга мөмкинлек бирә. Ул табиблар өчен генә түгел, пациентлар өчен дә бик уңайлы.

• Өстәлнең универсаль һәм күпфункцияле булуы хирургларга операцияне уңышлы башкарып чыгарга мөмкинлек бирә, - ди хирургия бүлеге мөдире Денис Байтуллин.

Чыганак: Министерство здравоохранения Республики Башкортостан