Белоретлыларның теләге тормышка ашкан

Районда ике яңа ФАП эшли башлады.

Авыл халкы өчен иң мөһим мәсьәлә  “Сәламәтлек” гомумдәүләт проекты кысаларында хәл ителде - районда ике ФАП ачылды.

 Аның берсе Козгын-Әхмәр авылында урнашкан һәм медицина ярдәменә мохтаҗ  200дән артык кешене кабул итәр мөмкинлекләргә ия.

Икенчесе Үткәли авылында урнашты.  Аның карамагына 300дән артык кеше беркетелгән. Аларның 109-ы ­– балалар!

Һәр ФАПта фельдшер, авыруны карау, процедуралар үткәрү кабинетлары, көтеп тору, санузел, препаратлар, юыну–җыештыру кирәк-яракларын саклау бүлмәләре бар.

“Бу авылларда яшәүчеләр хәзер якты, иркен, яхшы җиһазландырылган медицина пунктында сыйфатлы беренчел ярдәм алырлык уңайлы шартларга ия булды”, – ди Белорет дәваханәсенең баш табибы Илдар Хәмитов.