“Без әкият төшерәбез”

Салават районының Турналы китапханәсендә график планшетны файдаланып, бик тә күркәм мастер-класс үткәрелгән.

   Китапханәче Гөлназ Киржакова китапханәнең иң кечкенә укучылары өчен “Без әкият төшерәбез” дип аталган бу чараны оештырып бик дөрес эшләгән, чөнки балалар аннан чиксез зур күңел күтәренкелеге, иҗади планнар белән таралышкан.

   График планшет – ул рәсем төшерергә, катлаулы схемалар, сызымнар эшләргә, монитор экранына чыгарып төрле иллюстрацияләр эшләргә мөмкинлек бирүче корылма. Ул китапханәгә Русия Президенты В. Путин кушуы буенча эшләнгән “Мәдәният” милли проекты кысаларында сатып алынган.

   Балаларга китапханәгә килеп китаплар уку, шулай ук биредә заманча гаджетлар ярдәмендә үткәрелгән мастер-класслар бик ошый.