Өстәмә финанслау суммасы 90 млн сумнан арта

Республика Башлыгы грантлар фонды - социаль проектларны тормышка ашыру өчен федераль чара җәлеп итү буенча лидер. Өстәмә финанслау суммасы 90 млн сумнан артык. Бу хакта Президент грантлары фондының координацион комитет утырышында бәян иттеләр. Быел төбәктә НКО өчен алты конкурс үткәрәчәкләр. Гражданлык җәмгыяте үсеше, Башкортстан халыклары телләрен саклау, яшьләр сәясәте, кинематография һәм киңкүләм мәгълүмат чаралары өлкәсендә иң яхшы проектларны билгеләячәкләр.

Шулай ук 2024 елда Президент грантлары фондының беренче конкурсы нәтиҗәләре ясалды. Республика 46 проектны тормышка ашыру өчен 65 млн сумнан артык акча алачак.