Лабораториядә үзләре ясап караячак

 Бу үзәктә пилотсыз очучы аппаратлар, авиамоделирование, ракета төзү, робот техникасы һәм аларны программалаштыруны өйрәнәчәкләр. Бу стратегик юнәлешләр Башкортстанның бөтен мәктәп укучылары өчен дә ачык булачак.

• 2022 елда республикада авиатөзү профиле буенча инженер сыйныфлары ачылды, проектның партнеры булып Уфа фән һәм технологияләр университеты тора, - дип бәян итте Башкортстан Республикасы Мәгариф һәм фән министры Илдар Мәүлетбирдин. – Проектның индустриаль партнеры – ОДК-УМПО, челтәр партнеры – “Аврора” талантлар үстерү үзәге. Моңардан тыш, тиздән бөтенрусия мәктәп олимпиадасының төбәк этабы үтәчәк, анда “Мәгълүмат хәвефсезлеге” һәм “Робототехника” технологик юнәлешләре елдан-ел популярлаша.

“Аврора” үзәгендә балалар лабораторияләрдә үзләре ракета, самолет, пилотсыз очучы аппарат модельләре эшли, педагоглар ярдәмендә аларны Максимовка һәм Первушино аэродромнарында очыралар.

Белешмә. Уфаның югары уку йортлары арасында студентлар кампусы төзелеше инновацион белем бирү мохите булдыру буенча федераль программа кысаларында алып барыла. Проект дәүләт-шәхси партнерлык механизмнары һәм концессия килешүләре аша гамәлгә ашырыла, “Фән һәм университетлар” милли проекты кысаларына туры килә.

Чыганак: pravitelstvorb.ru