Юл хезмәтләренең эше арта гына бара...

Башкортстанга каты салкыннардан соң килгән җылы һава торышы үзе белән кар-бураннар да алып килде. Шуның аркасында бүген республиканың юл хезмәтләре көчәйтелгән режимда эшли.

   “Торак һәм шәһәр мохите” милли проекты кысаларында республикада юлларның хәвефсезлеген тәэмин итү буенча эшләр алып барыла. Мәсәлән, бүген, 18 декабрь иртәсендә, Башкортстан автомобиль юлларында 604 махсус техника эшли. Уфа урамнарына 293 данә техника чыгарылды.

   Бүген синоптиклар җил исүнең секундына 17 метрга кадәр көчәячәге турында искәртә. Бураннар чорында сак булыйк, дуслар!  

Фото: Башинформ.