Тукайлылар ФАПлы булды

Туймазының Тукай авылында, Русия Президенты В. Путин кушуы буенча эшләнгән “Сәламәтлек саклау” милли проекты кысаларында, яңа фельдшер-акушерлык пункты ачылды.

   Туймазы хакимияте башлыгы Айдар Суфиянов һәм дәваханәсенең баш табибы Илдар Гәрәев ФАПны ачу тантанасында катнашып, авыл халкын яңа медицина учреждениесе куллануга кертелүе белән котладылар.

   Бина стандартларга ярашлы итеп төзелгән һәм җиһазландырылган. Биредә беренче, планлы һ.б. медицина ярдәме күрсәтү өчен барлык шартлар булдырылган. ФАПта 481 кеше, шул исәптән, 77 бала медицина ярдәме алачак.