Авыл ипотекасы киң колач ала

2020 елдан алып, “Авыл территорияләренең комплекслы үсеше” программасы кысаларында, ташламалы авыл ипотекасы белән 7478 кеше файдаланырга өлгергән.

   Ставкасы 3 проценттан да артмаган кредит күләме 16,7 миллиард сумнан артып киткән. Бу илебездә иң зур күрсәткечләрнең берсе булып тора.

   -2023 елда Башкортстанда авыл ипотекасы күләме 3,047 миллиард сумга барып басты, аның белән 945 кеше файдаланды,- ди бу уңайдан вице-премьер, БРның авыл хуҗалыгы министры Илшат Фазрахманов.- Өч ел дәвамында безнең төбәк бу күрсәткеч буенча лидер.

Фото: минсельхоз РБ.