Кайсыдыр водительләрне кармакка каптырачаклар...

Машина йөртүчеләрне кисәтәләр!

Уфа-Ырынбур юлларында ни булган? Булмагандыр, булмасын өчен эшләнә бу эшләр. Әйе, Башкортстан  территориясенә кергән Уфа-Ырынбур юлларында зур тикшерүләр бара.

Бу эшкә күп ДПС экипажлары, Дәүләт автоинспекциясе техник күзәтү, Федераль суд приставлары хезмәтләре, Федераль салым хезмәте хезмәткәрләре җәлеп ителгән.

«Инспекторлар составы игътибары пассажирларны йөртү эшен  профилактикалауга багышланган. Безнең тарафтан куелган чараларга аңлап каравыгызны сорыйбыз», — дип язган үз телеграм-каналында Башкортстанның баш дәүләт автоинспекторы Владимир Севастьянов.

Зур җаваплылык йөкләтүче “Имин һәм хәвефсез автомобиль юллары” гомумдәүләт проекты кысаларында пассажирларның иминлеге тулысынча хәстәрлек тоярга тиеш әлбәттә.