Агыйделдә "Чыршылы фантазияләр!” конкурсы башланды

Башкортстанның Агыйдел шәһәрендә иң яхшы яңа ел чыршысына конкурс старт алды. Конкурс ил башлыгы Владимир Путин инициативасы белән тормышка ашырылучы “Мәдәният” милли проекты максатларына ярашлы үткәрелә. Ул Яңа ел бәйрәмнәре алдыннан бәйрәм мохите тудыру, шәһәр халкының иҗади инициативасын активлаштыру максатыннан оештырыла.

Конкурс чаралары халыкның иҗади фантазиясен һәм үзешчән иҗатын үстерүгә, балаларны һәм ата-аналарны уртак иҗади эшчәнлеккә җәлеп итүгә, илнең милли бәйрәм мәдәнияте традицияләрен тергезүгә һәм саклауга ярдәм итәчәк. Матур һәм гадәти булмаган чыршылар “Агыйдел дулкыннары” паркында шәһәр халкын сөендереп торачак. Җиңүчеләр акчалата бүләкләр, дипломнар һәм бүләкләр алачак.