Югары дәүләт бүләге тапшырылды

   Зур хезмәт казанышларына ирешүе һәм күп еллар намуслы эшләве өчен хөкүмәтнең вице-премьеры – Башкортстан хөкүмәте аппараты җитәкчесе Азамат Абдрахмановны Русия Президенты Владимир Путин Дуслык ордены белән бүләкләде.

   Азамат Абдрахманов хөкүмәттә 2021 елдан алып эшли. 2022 елда ул Башкортстан Башлыгы Радий Хәбиров кушуы буенча СВО зонасына шефлекка алынган төбәкләрнең инфраструктурасын торгызу мәсьәләләрен хәл итү һәм урындагы халыкка кирәкле ярдәм күрсәтү өчен командировкага җибәрелгән иде.

   Ул шулай ук башка мөһим проектлар һәм инициативаларны  тормышка ашыру эшләрендә координацияли.

Фото: Башинформ.