Кырмыскалы икмәген күбрәк пешерәчәкләр

Башкортстанның Кырмыскалы районы Прибельский авылында икмәк пешерү цехында ремонт эшләре тәмамланды. Масштаблы реконструкция икмәк комбинатының “Кече һәм урта эшкуарлык һәм шәхси эшкуарлык инициативасына ярдәм" милли проектында - ул ил башлыгы Владимир Путин инициативасы белән тормышка ашырыла -  катнашуы аркасында мөмкин булды.

  Милли проект ярдәме аркасында предприятие өч миллион сум күләмендә ташламалы кредит алган. Модернизациягә акчаның бер өлешен икмәк комбинаты үз бюджетыннан бүлгән. Яңартылган биналарда икмәкнең беренче партиясе чыгарылган да инде. Гомумән, якын арада биредә аның пешерү күләмен арттырырга планлаштыралар, чөнки Кырмыскалы икмәге республика халкы арасында зур ихтыяҗ белән файдалана һәм  районның бренд продукциясе булып кала.