Хәзер Ивановка авылы яныннан үтеп булачак

Башкортстанда Дәүләкән районы Ивановка авылы янындагы Бүздәк-Дәүләкән юлы участогын ремонтладылар. Ремонт “Хәвефсез сыйфатлы юллар” милли проект кысаларында башкарылды. 3 чакрым озынлыктагы участокта подрядчылар асфальт-бетон япманы ике катламга җәйделәр, юл кырыйларын ныгыттылар һәм юл билгеләрен ясадылар.

Буздәк- Дәүләкән юлы ике район арасында транспорт элемтәсен тәэмин итә, туристлар һәм ял итүчеләр арасында популяр, чөнки якында гына Аслыкүл күле урнашкан.