Дәүләт чыгымнарны каплый

Алар РФ Президенты Владимир Путинның май указларына ярашлы кабул ителгән «Авыл хуҗалыгы продукциясен экспортлау” милли проекты кысаларында дәүләт ярдәме алды, дип хәбәр иттеләр БР Авыл хуҗалыгы министрлыгында. 377 гектарга алынган системаның гомум бәясе 313 млн. сум тора. Бу инвестиция проектының беренче этабы булды.

БР Икътисади үсеш министрлыгы мәгълүматлары буенча, «Авилат» агрокомплексы составындагы «Алга» авыл хуҗалыгы кооперативын үстерү буенча инвестпроект республика инвестицион комитеты утырышында каралган һәм 2022 елда өстенлекле исемлеккә кертелгән. Импортны алмаштыру программасы буенча арендага алынган җир участогында 642 гектар су сибү системасы булдыру күздә тотыла. Инвестицияләрнең гомуми күләме 654 млн сум тәшкил итәчәк. Аны гамәлгә ашыру 2025 елда планлаштырылган. Хәзер предприятиедә 250 кеше эшли.

Проектны гамәлгә ашыру шикәр чөгендере җитештерү күләмен арттырырга һәм төбәкнең соңгы продукт — шикәр буенча экспорт потенциалын арттырырга мөмкинлек бирәчәк. Бу Башкортстанның иң мөһим экспорт продуктларының берсе. Республика шикәрне Азия һәм Якын Көнчыгыш илләренә актив экспортлый.

"Соңгы биш елда республикада гомуми мәйданы 3,5 мең гектар, бәясе 411 млн сум булган гидромелиорация чаралары буенча 9 проект гамәлгә ашырылган. „Россиянең мелиоратив комплексын үстерү“ программасы кысаларында аларга 251 млн сум чыгымнар кире кайтарылды. Эшне дәвам итәчәкбез, сугарыла торган җирләрнең өлешен шактый арттырырга кирәк», — дип хәбәр итте БР вице-премьеры — авыл хуҗалыгы министры Илшат Фазрахманов.

Республика авыл хуҗалыгы министрлыгы мәгълүматлары буенча, бүген республика территориясендә куәте 40 мең гектарга якын булган 186 су сибү системасы исәпләнә, агропредприятиеләрнең мелиоратив инфраструктурасының тузу дәрәҗәсе 80-90% тәшкил итә, чөнки дәүләт мелиоратив системаларының күпчелеге 1975-1985 елларда төзелгән. Соңгы елларда җылы сезоннар корырак була бара, шуңа күрә аграрийларның мелиорация проектларына кызыксынуы арта.