Авыл халкы сәламәт булсын!

“Сәламәтлек саклау” милли проекты кысаларында Башкортсанның авыл дәваханәләрен заманча диагностика корылмалары белән тәэмин итү дәвам итә.

   Әлеге проектка ярашлы, Шаран үзәк дәваханәсе күптән түгел өр-яңа рентген белән диагностикалау комплексын кабул итеп алган иде. Бүген исә аппарат ярдәмендә 4000нән артык тикшерүләр үткәрелгән дә инде.

   -Сыйфатлы диагностика үткәрү – сыйфатлы дәвалауга тәүге адым. Яңа техника кабул иткәннән соң бездә тикшерүләрнең күләме дә, сыйфаты һәм тизлеге дә яхшырды,- ди бу уңайдан табиб рентгенолог Әмир Аскаров.

Фото: Башинформ.