14 миллиард сум акча алганнар

Башкортстанда кече һәм урта бизнесны үстерү, федераль үзәк белән хезмәттәшлектә республика тарафыннан күрсәтелә торган финанс ярдәме чаралары турында социаль челтәрләрдә Башкортстан Хөкүмәте премьер-министры Андрей Назаров язды. Сигез ай эчендә республиканың кече һәм урта эшкуарлык субъектлары ташламалы кредитлауның барлык программалары буенча 14 млрд сум күләмендә финанс ярдәме алдылар.

"Льготалы кредитлау программалары РФ Президенты Владимир Путинның май указларына ярашлы кабул ителгән  «Кече һәм урта эшкуарлык һәм шәхси эшкуарлык инициативасына ярдәм» милли проекты кысаларында гамәлгә ашырыла. Бу инструмент төбәк эшкуарлары тарафыннан бик кирәкле, чөнки кредит акчалары түбән процент ставкалары астында бирелә», - дип язган Назаров.

Мәсәлән, РФ Икътисади үсеш министрлыгының 1764 һәм ташламалы кредитлау ПСК уртак программасы буенча 2,3 млрд сум күләмендә кредитлауның гомуми суммасына 28 килешү төзелгән. Дәүләт ярдәменең төп алучылары булып микропредприятиеләр (43,2%), кече (43,9%) һәм урта (12,9%) эшкәртү тармагы, кунакханә бизнесы һәм башка бизнес өлкәләре предприятиеләре тора.

"93 кредит бирүне стимуллаштыру килешүе (ПСК) буенча Башкортстанның кече һәм урта бизнес субъектлары 3 млрд сум акча алды. Бу ярдәм чарасыннан нигездә сәүдә, эшкәртү сәнәгате һәм төзелеш предприятиеләре файдаланган. Шулай ук агымдагы елның 8 аенда «1764»ташламалы кредитлау программасы буенча 8,5 млрд сум күләмендә кредит бирүнең гомуми суммасына 417 килешү төзелгән. Тулаем алганда, рәсмиләштерелгән килешүләр саны һәм алынган ташламалы финанслау буенча безнең республика Идел буе федераль округында 5 нче урында тора», - дип билгеләп үтте Башкортстан Хөкүмәте премьер-министры.

Чыганак: bashinform.ru