Сиңа яңа эш кирәкме?

БДПУда яңа, үзенә кызыклы һөнәр үзләштерә алачак гражданнарның ун категориясе аталды. Алар арасында вуз тәмамлап, эш таба алмаган яшьләр, хезмәт биржасында теркәлгән эшсезләр, 7 яшькә кадәрле баласы булган хатын-кызлар, СВО ветераннары, СВОда һәлак булучыларның гаилә әгъзалары бар.
Яңа һөнәр үзләштерергә теләүчеләр өчен педагогия университетында 20 программа эшләнгән. Алар арасында робототехника, мәгълүматлар базасын эшләү, бизнес-планлаштыру һәм менеджмент, фитнес, репетиторлык, педагогика һәм психология.

Укыту эшләре “Демография” милли проектының “Эш белән тәэмин итүгә булышлык итү” федераль проекты кысаларында башкарыла.