Башкортстанда 44 проект грант алачак

Башкортстанда туризм өлкәсендә тагын 44 проект «Туризм һәм кунакчыллык индустриясе» милли проекты кысаларында грантлата ярдәм алачак. Башкортстан Республикасы эшкуарлык һәм туризм министрлыгында туризм инфраструктурасын үстерүгә һәм «Туризм һәм кунакчыллык индустриясе»илкүләм проекты кысаларында туристлык инфраструктурасын үстерүгә юнәлдерелгән иҗтимагый инициативаларга ярдәм итү формасында туристлык индустриясе субъектларына грантлар бирү буенча ике конкурсның өстәмә этабына йомгак ясалды. Икенче конкурста үз муниципалитетларында туристлык инфраструктурасын үстерүче 56 эшмәкәр һәм юридик зат катнашты. Шуларның 28е 70,1 млн сумлык субсидияләр откан. Акчалар туристлык җиһазлары сатып алуга 16 проект, яңа маршрутлар эшләүгә 5, сәламәтлек мөмкинлекләре чикләнгән кешеләр өчен туристлык өчен уңайлы мохит булдыруга һәм үстерүгә 4 проект юнәлдереләчәк.Акчаларының күләме 82,5 млн сум тәшкил итәчәк.

- Сентябрьдә без конкурс сайлап алуларының өстәмә этабына йомгак ясадык. Барлыгы 76 гариза бирелгән, 44 проект җиңүче дип танылган, шуның ярдәмендә Башкортстанда барлык категория туристлары өчен уңайлырак шартлар тудырылачак, - дип аңлатма бирде Башкортстан Республикасы эшкуарлык һәм туризм министры Рөстәм Афзалов. Конкурс шартлары буенча грантлар алучылар үз акчаларын кертергә тиеш – әлеге конкурс буенча инвестицияләр суммасы 144,2 млн сум тәшкил итәчәк.