Ял итәр урыннар артачак!

   Елга яры буенда пляж, япмалы пирс һәм скамейкалар, парковка, уңайлы сукмаклар төзү каралган.

   Русия Президенты В. Путин кушуы буенча эшләнгән “Торак һәм уңайлы моһит” милли проекты кысаларында атаклы курорт урнашкан  Красноусольск авылы яныннан агучы Усолка елгасы ярын төзекләндереп, авыл халкы өчен иң гүзәл бер урынга әверелдерергә уйлыйлар.

   БР Торак коммуналь министрлыгыннан хәбәр итүләренчә, биредә элек пыяла заводы урнашкан булган. Менә озакламый ул урын – халыкның яраткан ял урынына әйләнәчәк.

   Быел шушы ук проект кысаларында район үзәгендә тагын бер  яңа объект – Октябрь урамы буйлап гүзәл аллея ачарга җыеналар.

   Фото: МинЖКХ РБ