Чиста су эчүчеләр артыр

“Чиста су” федераль проекты кысаларында 2023 елда кайбер төбәкләр эчәр су белән тәэмин итү объекталары төзү һәм реконстрауцияләүгә өстәмә акчалар алачак. Өстәмә субсидия алачак 11 төбәк арасында Башкортстан да бар. Шулай ук исемлектә Дагыстан, Калмыкия, Якутия, Карачай-Черкес республикалары, Архангель, Владимир, Кострама, Липецк, Нижгар һәм Ульян өлкәләре бар. Бу субъектларга юлланачак акчаларның гомум суммасы 843 млн сумнан артып китә.

Әйткәндәй, республикада чиста сыйфатлы эчәр су белән тәэмин ителгән халык саны 88,9% тәшкил итә.