"Бабай утары"н барып күргәннәр

Дәүләкән районының өлкән буын вәкилләре өчен ”Бабай утары – этнографик комплекс. ”Ак Өмет" мәчете” автобус экскурсия туры оештырылды. "Көмеш" туристлар «Бабай утары» уникаль этнографик комплексында булдылар, анда аларны татар халкының милли ризыгы – токмачлы аш  һәм зур бәлеш каршы алды. Экскурсантлар татар авылының 18 гасырдан алып бүгенге көнгә кадәрге көнкүреше турында сөйләүче оригиналь борынгы корылмаларны карап чыктылар. Кайбер экспонатларга берничә йөз ел, ә музей комплексының төп истәлекле урыны – 1870 елда төзелгән җил тегермәне. Мондый корылмаларны хәзер сирәк очратырсың, бигрәк тә төзек хәлдә.

Кайту юлында экскурсантлар Төмәнәк авылында урнашкан "Ак Өмет" мәчетендә булдылар. Мәчет уңышлы эшкуар һәм үзешчән композитор, туган авылында мәчет төзү чыгымнарын үз өстенә алган, Башкортстан Республикасының атказанган мәдәният хезмәткәре Фәнир Галимов проекты буенча төзелгән.

Монда дога кылу йолаларын башкару өчен барлык шартлар да бар: 150 кешегә исәпләнгән иркен якты зал, юыну бүлмәсе, Ислам нигезләре һәм гарәп теле буенча өлкәннәр һәм балалар белән дәресләр үткәрү өчен класс, ашханә һәм чәй эчү урыны.

Чара 2018 елда Владимир Путин тарафыннан оештырылган "Демография" милли проекты кысаларында оештырылды.

Чыганак: davlekanovo.bashkortostan.ru