Пенсионерлар экскурсиядә булды

Бу проект халык арасында популярлык яулый. Ул өлкән буын гражданнарының сәламәтлеген ныгытуга, социаль активлык чорын һәм гомер озынлыгын арттыруга юнәлдерелгән. Өлкәннәр өчен актив ял РФ Президенты Владимир Путинның май указларына ярашлы кабул ителгән «Туризм һәм кунакчыллык индустриясе» һәм «Демография»милли проектларын гамәлгә ашыру кысаларында оештырылды.

Уникаль проектта Миякә районының өлкән буыны вәкилләре катнашты. 38 пенсионер өчен Шихан Торатау - Стәрлетамак маршруты буенча бер көнлек экскурсия оештырылды.

Торатау – җирдәге иң борынгы тауларның берсе, аңа якынча 285 миллион ел. Әле дә тауда борынгы флора һәм фауна эзләре белән казып алынган калдыкларны очратырга мөмкин. Шихан территориясендә 400 төргә якын үсемлек үсә һәм 400 дән артык хайван төре яши. Шихан Торатау туристларның яраткан урыны. Торатау Шиханы итәгендә, кыргый  умаартачылык эшли. Умарталыкка экскурсия вакытында экскурсантлар умартачылык тарихын, башкорт абориген бал кортының нәрсә икәнен беләләр. Шулай ук уктан ату буенча мастер-класс үткәрелә.

Аннары Стәрлетамакның тарихи өлеше буенча җәяүле күзәтү экскурсиясе узды. Стәрлетамак республиканың беренче башкаласы, троллейбуслар эшли башлаган беренче шәһәр. Башта Стәрлетамакны төзегән һәм Уфаның борынгы биналарын торгызган, ә хәзер сәүдәгәр мирасын реставрацияләгән сәүдәгәр-меценатлар шәһәре.

Экскурсиядә катнашучылар уңай эмоцияләр һәм яхшы кәеф белән кайттылар. Табигатьнең матур почмагына барып, күп кызыклы нәрсәләр белделәр.

Чыганак: Миякә районы муниципаль районы администрациясе