Төзелешләр гөрли

Башкортстанда “Торак һәм шәһәр мохите” милли проекты кысаларында гомум мәйданы 7 мең квадрат метр тәшкил иткән өч күпфатирлы йорт куллануга тапшырылу алдында.

   Йортлар Яңавыл һәм Мишкә районнарында төзелгән һәм андагы фатирлар авария хәлендәге йортлардан күчерелүче гражданнарга биреләчәк.

   Әйткәндәй, йортларны 2025 елның 1 сентябренә генә төзеп бетерергә тиеш булганнар, ләкин төзүчеләр эшне тизләтеп, яңа фатирларга күченүне көткән гаиләләргә зур бүләк ясаган.

  Фото:пресс-служба минстроя Башкирии