Һөнәрчеләр һәм кәсепчеләр ярминкәсе

Тәтешле районында "Кече һәм урта бизнес һәм шәхси эшкуарлык инициативаларына булышу" милли проектының "Эшкуар гражданнар эшчәнлеген тормышка ашыру өчен уңайлы шартлар тудыру" федераль проекты кысаларында һәр пәнҗешәмбе "Эшкуарлык сәгате" үткәрелә.

Орашуда Гөлназ Хайрулина катнашты һәм осталар күргәзмәсе-ярминкәсен оештыру буенча консультация ярдәме сорады. Ул табигый ташлардан кулдан ясалган бизәнү әйберләре җитештерү белән шөгыльләнә, күрше төбәкләрдәге күргәзмәләрдә катнаша, һәм милли стильдә эшләнмәләр ассортиментын киңәйтергә җыена. Район территориясендә мондый осталар бик күп, ләкин хәзерге вакытта күргәзмәләр өчен махсус урыннар юк.

"Тәҗрибә алмашу, һөнәрчеләр арасында сату һәм элемтәләр урнаштыру бик кызыклы һәм файдалы. Әлбәттә, без идеяны хуплаячакбыз һәм 2023 елның 12 июнендә Үрге Тәтешле авылындагы мәдәният йорты фойесында һөнәрчелек ярминкәсе үткәрәчәкбез. Без барлык һөнәрчеләрне һәм кәсепчеләрне катнашырга чакырабыз! ”- дип билгеләп үтте район хакимияте вәкиле.