Ветеран укытучылар хөрмәтенә күңелле чара

Чакмагыш районы Югары Аташ авылы китапханәсендә Укытучы һәм остаз елы уңаеннан “Мәгариф” милли проекты кысаларында педагогик хезмәт ветераннары катнашлыгында “Туган йорт түбәсе астында”  дип исемләнгән бәйрәм чарасы оештырылган. Авыл укытучысының роле аерым урында. Барысы да бер-берсен яхшы белгән авыл җирендә укытучы һәр гаилә каршында бала язмышы өчен җаваплылык тота. Аның куллары һәм йөрәге аша бер генә буын үтми. Ул һәркайсында шәхес күрергә, тормышта дөрес юл сайларга булышырга тиеш.

Чара барышында матур истәлекләр, ветераннарга ихлас һәм җылы сүзләр яңгырады.

Китапханәчеләр тарафыннан китап күргәзмәсенең презентациясе оештырылды. Кичә шаян викторина һәм туган якны өйрәнү музее буйлап экскурсия белән тәмамланды.

Чыганак: Администрация муниципального района Чекмагушевский район Республики Башкортостан