Бөек Җиңү бәйрәме якынлаша!

Бөек Җиңү бәйрәме якынлашкан саен дулкынлану хисе арта бара. Бигрәк тә өлкән буын 9 Майны зур дулкынлану белән каршылый.  

Башкортстан почтальоннары Бөек Җиңү көне алдыннан Бөек Ватан сугышы ветераннарына Русия Президенты Владимир Путинның шәхси котлавын тапшырачак.

2 майдан алып 8 майга кадәр республика буенча 13 меңгә якын хөрмәтле адресатка котлау хатлары тапшырылачак.

Конверт эчендә - дәүләт Башлыгы  Владимир Путин тарафыннан имзаланган Бөек Җиңүнең 78 еллыгы белән котлау открыткасы.

Бөтен Русия буенча якынча 500 мең ветеранга президентның котлау хаты барып ирешәчәк.