Яңа ФАП төзелә

   Кырмыскалы районында яңа модульле фельдшер-акушерлык пунктын төзү эшләре башланды.

   Районның Иске Бабич авылында сафка кертеләчәк бу бина  “Сәламәтлек саклау” милли проектының “Беренчел звеноны яңарту” төбәк проекты кысаларында әле төзелә генә башлаган, ләкин ел ахырына аны куллануга тапшыру планлаштырыла.

   Киләчәктә авыл халкы медицина ярдәмен уңайлы шартларда ала башлар дип ышанабыз. ФАП ашыгыч ярдәм күрсәтү өчен барлык заманча корылмалар белән тәэмин ителәчәк.