Уңайлы һәм яңа

Балалар бакчасын төзү Уфада  «Демография» милли проектының «Мәшгульлеккә ярдәм» федераль проекты буенча дәвам итә.

240 урынлык өч катлы бина кирпечтән булачак. Ун төркем, шул исәптән ике ясле төркем урнаштыру күздә тотыла. Төзелешне быел гыйнвар аенда башлаганнар. Хәзерге вакытта белгечләр элек монда торган мәктәп бинасының булган нигезләрен сүтәләр, шулай ук фундамент блокларын монтажлауны әзерлиләр. Учреждение төзелешен агымдагы ел ахырына кадәр тәмамлау планлаштырыла.

"Мондый социаль әһәмиятле объектлар төзү шәһәрдә  уңайлы мохит булдырырга, балалар бакчаларына чиратларны бетерү бурычын хәл итәргә, шулай ук мәгариф учреждениеләрен халык өчен бер адым да уңайлы итеп урнаштырырга ярдәм итә, бу дәүләт һәм муниципаль хакимият органнарының өстенлекле бурычы булып тора. Уфа шәһәрендә балалар бакчасын вакытында файдалануга тапшыру өчен җитештерү эшләренең графигын үтәүне тәэмин итү генә түгел, объектны инженерлык челтәрләренә тоташтыруның барлык мәсьәләләрен дә оператив хәл итәргә кирәк», — дип билгеләп үтте республика Хөкүмәте премьер-министры урынбасары Илшат Таҗетдинов.

«Демография» милли проекты биш федераль проектны үз эченә ала: «балалар туганда гаиләләргә финанс ярдәме», «эш белән тәэмин итүгә ярдәм», «өлкән буын», «җәмәгать сәламәтлеген ныгыту», «спорт — тормыш нормасы». РФ Президенты Владимир Путин инициативасы белән оештырылган милли проектлар 2019 елда старт алды.