Яхшы мөмкинлек

“Смартфонда нәрсә яшеренгән: мобиль хәвефләрен тикшерәбез” темасына  чираттагы «Саннар дәресе»   Башкортстан Республикасында старт алды. Чара «Санлы икътисад» милли проекты максатларына туры китереп үткәрелә.

Проект укучыларны кибер хәвефсезлек нигезләре, җайланмаларда мәгълүматны саклау һәм мәгълүмати куркынычсызлык өлкәсендә белгечләрнең эше белән таныштыруга юнәлдерелгән. Дәрес 4-7 сыйныф укучылары арасында узачак. Дәрес — видеоны караганнан соң һәм онлайн тренажерда биремнәрне үтәгәннән соң сорау-җавапларны тәшкил итә.

"Саннар дәресе" - безнең укучылар өчен традиция һәм яңа компетенцияне өйрәнү мөмкинлеге. Хәзер укучылар Интернетта алдаучылар тарафыннан алданудан саклану өчен санлы хәвефсезлек белән танышачак. Мәктәп эскәмиясеннән үк укучылар IT-һөнәрләргә кызыксыну күрсәтә башлыйлар, ә "Саннар дәресе" — программалаштыру, уеннар эшләү, дизайн һәм башка компетенцияләрдә әзерләнү өчен яхшы мөмкинлек", — ­­ дип билгеләп үтте Башкортстан дәүләт идарәсе Санлы үсеш министры урынбасары Рәсүл Таипов.

«Санлы икътисад» милли проекты икътисадта һәм социаль өлкәдә санлы технологияләрне тизләтеп кертүгә, югары технологияле бизнес өчен шартлар тудыруга, илнең глобаль базарда көндәшлеккә сәләтлелеген арттыруга, милли иминлекне ныгытуга һәм кешеләрнең тормыш сыйфатын яхшыртуга юнәлдерелгән. РФ Президенты Владимир Путин инициативасы белән оештырылган милли проектлар 2019 елда старт алды.