Яңа спорткомплексы булачак

Ишкәк слаломы үзәге Уфада "Демография” милли проекты “Спорт — тормыш нормасы" федераль проекты ярдәмендә төзелә. Бу хакта Башкортстан Республикасы башкаласы хакимиятендә хәбәр иттеләр.

Яңа спорт комплексы Инорс микрорайонында урнашачак һәм барлык кирәкле җиһазлар белән җиһазландырылачак. Аерым алганда, анда спорт җиһазларын урнаштыру һәм саклау өчен бүлмә, җылы чишенү бүлмәләре һәм тренажер залы булдырылачак. Шулай ук киләчәктә бөтен Русиядән спортчыларны кабул итү өчен административ биналар  төзү планлаштырыла.

Исегезгә төшерәбез, узган ел булачак үзәк урынында 250 метрлы канал төзелеше башланды. Ул җылы күлне һәм Уфа елгасын берләштерәчәк. Хәзер төзелеш мәйданында котлованны эшләү һәм канал астына нигез салу төгәлләнә.

"Бу комплекс уникаль. Европада җылы су белән бердәнбер дип әйтик. Тулаем алганда, бездә төрле дәрәҗәдәге җыемнар һәм ярышлар узачак, чөнки комплекс кышкы чорда эшләячәк”, - дип билгеләп үтте байдарка һәм каноэларда ишү буенча олимпия резервы спорт мәктәбе директоры Артем Новиков.

«Демография» милли  проекты биш федераль проектны үз эченә ала: «Бала туганда гаиләләргә финанс ярдәме», «Мәшгульлеккә ярдәм», «Өлкән буын», «Җәмәгать сәламәтлеген ныгыту», «Спорт — тормыш нормасы». РФ Президенты Владимир Путин инициативасы белән оештырылган милли  проектлар 2019 елда башланды.