Балалар өчен

Кырмыскалы районы балалар сәнгать мәктәбендә "Мәдәният” милли проектының “Мәдәни мөһит" федераль проекты ярдәмендә яңа музыка кораллары алынды. Хәзер укучылар карамагында биш яңа  пианино, өч баян, ике  аккордеон  һәм өч гитара бар.

Өстәмә белем бирү учреждениесе вәкилләре билгеләп үткәнчә, 6 млн.сумлык яңа инструментлар, җиһазлар һәм укыту материаллары яшь талантларны укыту, сәнгать өлкәсендә профессиональ программаларны югары дәрәҗәдә тормышка ашыру өчен яхшы база булачак. Музыка коралларын яңарту ярдәмендә укытучылар һәм укучылар үзләренең сәләтләрен тулысынча ачып, шәһәр һәм төбәкнең концерт һәм конкурс мәйданчыкларында сәләтләрен күрсәтә алачаклар.

- "Мәдәният” милли проекты-сәнгать мәктәбе өчен чын бүләк. Мондый күләмле финанс ярдәме безнең тәрбияләнүчеләрнең сәләтләрен үстерү өчен уңайлы иҗади мөһит булдыру мөмкинлеген бирә. Без заман белән бергә атларга тырышабыз,  балалар өчен академия сәнгатен тагын да кызыклы  итәргә омтылабыз, - дип сөйләде балалар сәнгать мәктәбе директоры Хәниф Батталов.