Уфада дөнья дәрәҗәсендәге фән үзәге булачак

Уфада “Эталон” төркеме һәм Башкортстан хөкүмәте дәүләт-шәхси партнерлык принциплары буенча дөнья дәрәҗәсендәге Евразия тикшеренүләр һәм мәгариф үзәгенең студентларара кампусын төзү һәм соңрак эксплуатацияләү өчен концессия килешүенә кул куйдылар.

“Бүген безнең өчен бик мөһим һәм бик җаваплы көн. Озак вакыт дәвамында без республиканың югары белем һәм фән системасы өчен зур әһәмияткә ия булган студентларара кампус проекты өстендә эшләдек. Бу эш өчен фәнни өлкәдә эшләүче барлык директорларга, хезмәттәшләргә тагын бер тапкыр рәхмәт әйтәсе килә. Өч ел элек мин кампус төзелешенә ярдәм итүне сорап, илебез президенты Владимир Владимирович Путинга мөрәҗәгать иттем. Президент безгә ярдәм итте. Без бик катлаулы конкурста катнаштык, чөнки күпчелек төбәкләр үзләренең фәнни, студентлар кампусларын үстерергә телиләр. Бу республикада югары белем һәм фән үсешенә ярдәм итәчәк зур җитди проект. Миңа калса, бу студентлар өчен яхшы, матур һәм бик кирәкле мохит булачак”, - диде Радий Хәбиров.

Төбәк башлыгы проектны тормышка ашыру ике этаптан тора диде. Бу 35,8 мең квадрат метр мәйданлы IQ-парк бинасын реконструкцияләү һәм мәйданы 110 мең квадрат метрдан артык булган яңа бина төзелеше.  IQ-парк бинасы 2023 елның декабрендә файдалануга тапшырылачак. Анда яңа университетның стартап студиясе, кече инновацион компанияләр офислары һәм эре компанияләр офислары булачак.

Икенче этапта, кампус үзе, 2025 елда файдалануга тапшырылырга әзер булырга тиеш. Барлык объектларның гомуми мәйданы ким дигәндә 133 мең квадрат метр булыр дип көтелә. Соңгы параметрлар проект документациясен эшләү нәтиҗәләренә нигезләнеп күрсәтеләчәк.

Концессия килешүе 25 елга төзелде, объектларны проектлау һәм төзү 4 елга исәпләнгән.

15 дөнья дәрәҗәсендәге фәнни-мәгариф үзәкләре (REC) челтәрен булдыру планнары Русия Президенты Владимир Путинның май указы белән билгеләнде һәм “Фән” милли проекты бурычларының берсе булып тора.

Чыганак: Башинформ

Фото: Башинформ