Кечкенәдән сәламәтлек турында кайгырт!

"Демография" һәм "Сәламәтлек" милли проектлары кысаларында "Булачак ананың сәламәтлеге" проектын тормышка ашыру буенча, Аскын районы хатын-кызлар советының “Без бергә” сәламәтлек клубында аңлатма дәресләр оештырылды.

 Район хакимияте башлыгы Динис Йосыпов һәм район хатын-кызлар советы рәисе Рима Набиуллина чарада катнашучыларга сәламләү сүзе белән мөрәҗәгать иттеләр.

       - Бүген яшь кызлар һәм аларның әниләре монда чакырылды. Алар өчен сәламәтлек турында лекцияләр тыңлау, үзләре өчен яңа әйберләр ачу бик кызык булыр дип уйлыйм. Бүгенге кызларның үз сәламәтлеге турында кайгыртса иртәгә бездә сәламәт буын булачак”, - диде Динис Рәдис улы үз чыгышында.

          Медицина фәннәре докторы, профессор, "Булачак ананың сәламәтлеге" проекты җитәкчесе Наталья Егорова сәламәтлекне саклау темасы белән лекцияләр сериясен башлады. Спорт медицинасы табибы Наталья Бикбаева дәвам итте. Ул "Хатын-кызлар сәламәтлеген саклау өчен физик активлык" дигән лекция укыды.

Ольга Егорова, Медицина фәннәре кандидаты, гинеколог, эндокринолог Ольга Егорова дөрес туклану, көндәлек тәртип һәм яхшы йокы файдасы турында сөйләде.

Яшь кызлар һәм аларның әниләре үзләре өчен бик күп яңа һәм кызыклы мәгълүмат алдылар. Алар үз сорауларын да биреп чарада актив катнаштылар.

Чыганак: Аскын районы хакимияте

Фото: Аскын районы хакимияте