Спорт мәйданчыгы ачылды

Башкортстанның Мәчетле районында ГТО тапшыру өчен парк һәм мәйданчык ачтылар.

Мәчетле районының Олы Устьикин авылында яңартылган спорт паркы һәм ГТО нормативларын тапшыру мәйданчыгы ачылган.

ГТО, ягъни «Хезмәткә һәм оборонага әзер» Бөтенроссия физкультура-сәламәтләндерү комплексы нормативларын тапшыру өчен кече мәйданчык - «Атлант» стадионында. Аны ил Башлыгы Владимир Путин боерыгы белән барлыкка килгән «Демография» милли проектының «Спорт — тормыш нормасы» федераль проекты кысаларында урнаштырдылар.

Мәйданчыкта спорт корылмалары: гимнастика җиһазлары, турниклар, озынлыкка сикерү, мишень, перекладиналар, борыслар, урам тренажерлары һәм ГТО нормаларын үтәү өчен кирәкле башка җиһазларны кертеп 26 тренажер бар.