Зур бүләк булды

Кыйгы районы Ибрай авылында мәдәният йорты «Мәдәният» милли проекты буенча капиталь ремонтланды.

Төзүчеләр бинаның фасадын яңарттылар, янындагы территорияне төзекләндерделәр, түбә һәм ишек юлларын, инженерлык коммуникацияләрен алыштырдылар, җылыту һәм су белән тәэмин итү системасын модернизацияләделәр, санузеллар җиһазладылар, электромонтаж һәм яктырту эшләре, эчке бүлмәләрне комплекслы ремонтладылар, тамаша залының, сәхнәләрнең һәм китапханәләрнең эчке бизәлешенә аерым игътибар бирделәр. Бу максатларга республика бюджетыннан 18,3 млн сум бүлеп бирелгән.

«Мәдәният» милли проекты ярдәмендә авыл мәдәният йорты Ибрай халкы өчен генә түгел, якындагы торак пунктлардагы күршеләр өчен дә мәдәни тарту үзәгенә әйләнәчәк. Хәзер биредә барлык шартлар да бар, яңа мохит, авыл халкы ялларын үткәрсен, иҗат белән шөгыльләнсен, рухи яктан үссен өчен яңа мәдәни киңлек булдырыла», — дип билгеләп үтте Башкортостан Республикасы мәдәният министры урынбасары Илнур Мухьянов.